ئا/  نیگار حمد على
ئەمشەو بەتەنها دەگریم، تا تەواوى بیابانى ووشکى ڕوحم تێرئاو دەبێ،تا دەروونم خونچەى تازە بپشکوێنێ ، دڵشیم شەپۆلى خوێنى ئاڵ  بنێرێ تا ڕەنگى تازە ترین پەڕەى گوڵى  ئەم وەرزە سور  سور   بێ ، ئەم ناوە پڕ شنەى شادى بێ ، دەى با بەس بێ  فرمێسکەکان  دە ببارێ لە چاوانى پڕ چاوەڕوانى  خۆشەویستى ،

، تا بگاتە ناخى تاسەى تامەزرۆى دیدەنى ،ئینجا لەوێدا لەگەڵ بریسکەى یەکەم ژوان سەراپاى ئەوێ نوور داگیرسێ ، دواجار چراخانێ بسازێنێ .
ئەمشەو منم وا دیوەخانى عیشقم گڕ دەگرێ ، ئەى خودایە وا کەوتمەوە بەر ڕەحمەتى سۆزى تۆ ،لێبوردەیى و میهرەبانیت دەمگرێتە خۆ ، تێر نابم لەبۆنى شەماڵى هەناسەى میوان و خانەخوێ ، بڕواناکەم وا  بەشدارم لە ئاهەنگى  مەوسمى ژینى نوێ
ئەوە منى گوناهکارم لەگەڵ نزاى پاکى بەرائەتى  بێداران ئاوێزانم ، لەگەڵ ناسکە  خۆشیەکان بەهەستم ، لەگەڵ ئێوەو هەموان ساتە جوانەکان  ڕێ دەکەم .ئاى خوایە گیان هێشتا منم  بە شەرمەوە چەن دڵ خۆشم  ڕوو لە قاپى تۆ دەکەم .
گەورەم :لە سایەى ئەم ئەزیزە ى تۆ  ئەوا هاتمەوە بەر بارەگاى هەمیشەییت ، دڵنیام
دەروازەى بەخشندەییت واڵاترە و وەک گەدایەک  وەرم دەگریت ،  جگە لە پەناى تۆ هیچ شک نابەم ئەى شاهى من لەناو خانەقاى دڵا یادى  بەرزى خۆشەویستی نەبڕاوەت.
خوایە گیان : لە ماڵى تۆ بریارم دا  خزمەتى خزمەتکارى قورئان بم ، شەرت بێ لە سینەما  بیپارێزم  تا هەم ، لە م وەرزەدا بۆن و بەرامى  ڕیحانەى ئیمانى پڕ هەناسەم هەڵمژم ، ئەوسا  چاوان داخەم  بە جیهانى ڕۆحدا بدوێم و پەیمانى دڵسۆزى و  بەندایەتى بۆ هەتا هەتایى نوى کەمەوە، .