نیگار حمد علی‌

* پێشكه‌شه‌ به‌ هه‌موو ئه‌وانه‌ی‌ له‌وون بونم ده‌پرسن ........

زه‌مه‌نێكه‌ تاڵی‌ دوری‌ و دابڕان
ده‌مهه‌ژێنێ‌ ...
به‌ده‌م سۆی‌ یاده‌وه‌ریه‌كان ,, ته‌مه‌نم
ده‌سوتێنێ‌ ...
لێ ناگه‌رێ‌ شادومان بم
به‌هاری‌ ژینم ده‌شێوینی‌ ...
خه‌نده‌م ون كردوه‌ _ ئازار
ده‌مخه‌وینێ‌ ...

حوزن میوانمه‌ بۆ ساتێكیش
جێم ناهێڵێ‌...
هه‌ستی‌ غه‌ریبی‌ مه‌مله‌كه‌تی‌ رۆحم
داده‌گرێ‌....
چركه‌كانیش له‌گه‌ڵ ژانا ,,به‌ ئاوازی‌ خه‌م
ده‌م لاوێنی‌...
ته‌می‌ خه‌م و خه‌مباری‌ ..هه‌واری‌ من
داده‌پۆشێ‌..
بۆ دیداری‌ ئازیزانم ,, خونچه‌ی‌ حه‌زم
له‌ ناخدا ده‌پشكوێ‌..
به‌لاَم داخم ..رۆژگار ی‌ ژین ماوه‌یه‌كه‌
لێ‌ ناگه‌رێ‌...
ویستی‌ من و ...ئه‌م مه‌ینه‌ته‌ بو ساتێ‌
ڕێ‌ بكه‌وێ‌...
تا له‌ زستانی‌ ساردو سردا گه‌رمه‌ی‌ ژوان
بسازێنێ‌ ...
ناسكه‌ ووشه‌كان .. جارێكی‌ تر هیوای‌ جوانی‌
بنه‌خشێنێ‌...
له‌ هه‌واری‌ ده‌رون ..مۆمی‌ ته‌مه‌نی‌ نوێ‌
داگیرسێنێ‌...
بۆ من و تۆ .. ئاینده‌ی‌ گه‌ش
له‌ دایك بێ‌ ...
چرۆی‌ ژیان ... دور له‌ گریان
بڕوێ‌...
هه‌وری‌ شادی‌ .. بارانی‌ ژیانه‌وه‌
ببارێنێ‌...
له‌گه‌ڵ خۆییدا سه‌وزاییی‌ ..ئاوه‌دانی‌ به‌ دیاری‌
بێنێ‌ ....